Allt gott....

að frétta úr Arnarklettinum.
Ég hef verið ferlega löt að blogga undanfarið. Maður mætti ætla að þá lægi ég í ritgerðarskrifum en nei nei ekkert þannig! :(
Ég hef nú samt ekki setið auðum höndum og tók að mér smá aukajobb og hef verið að stússast í því. Svo hefur maður það líka svo gasalega gott með manni sínum og barni. Einar er kominn í sumarfrí og núna er bara 1 vika í Tenerife. Við spókum okkur því um á kaffihúsum og mollum daginn út og inn.

Af Herdísi Maríu er alles gut að frétta. Hún sýnir ennþá hvað hún er stór og við foreldrarnir höldum að samfara 1. tönnslunni hafi fyrsta orðið heyrst! Það er orðið "upp". Daman allaveganna horfir upp og segir uuubbbh!! Hún gerir líka píkabú og gjugg í borg og það er óborganlega fyndið. Heldur gamalli tusku sjálf fyrir andlitinu og gægist svo. Hún hámar í sig brauð með kæfu og kartöflur með miiiklu smjéri eru í uppáhaldi. Að lokum er vert að minnast á það að foreldrarnir hafa nú skráð hana í þetta.

Helgin byrjaði á Ungfrú Ísland. Við Hildur hreiðruðum um okkur upp í sófa og blammeruðum stúlkurnar hægri vinstri (já já það má). Við vorum svona nokkuð vissar um úrslitin og náðum 3 réttum í topp 6, þar á meðal topp 2. Við Einar pössuðum svo Hákon um helgina. Vorum vísitölufamelían í þykjustunni og fórum í bæjarferð og fleira. Ég var alveg uppgefin eftir smá tíma í Smáralind með 2 börn. Þurfti að fara heim að leggja mig! Held að börnin hafi líka verið til í smá blund ;) Við óverdósuðum líka af ís (ef að það er hægt), fórum á fótboltaæfingu, í bakarí, pizzastað, hoppukastala og fleira. Á laugardagskvöldinu skellti ég mér í 30 afmæli. Mjög dannað og nice. Helgin endaði svo í matarboði í Njörvasundi í USA þema.