París var æði... meira seinna (próf e. 4 klst...)

ÉG TRÚI ÞESSU EKKI!!!!!!!!!!!

Witherspoon og Phillippe eru skilin!!!!!!!!!
NEI NEI NEI :(
Ég er í meira áfalli núna en þegar að Pitt og Aniston skildu...
sniff sniff mér fannst þau svo fullkomin .....

You know what I mean ;)

Fyrsti snjórinn!!!

Það er snjór úti!!!!
og París á morgun..... :o)

Framboð og helstu fréttir

Vinur minn hann Valdi er farinn í framboð.. kíkið á síðuna hans hér

Nú svo gekk mér illa í prófinu á mánudaginn en það þýðir ekkert að fást um það meira

Fór í yoga í dag

Er að lesa fyrir kröfuréttarpróf núna

París eftir 2 daga

over and out...

Óhugur

Ég fylltist svo miklum viðbjóði og óhug í gærkvöldi þegar að ég horfði á 1. frétt kvöldsins. Tveir ógeðslegir karlmenn nauðguðu stelpu hjá Þjóðleikhúsinu. Hún var ein á gangi seint um kvöld/snemma morguns og var þröngvað upp að Þjóðleikhúsinu þar sem að þeir nauðguðu henni. Svipað atvik gerðist líka bak við MR fyrir tveimur vikum. Ég er í alvarlegu sjokki eftir þessa fréttir og mér leið svo illa í gær. Ég gat varla talað. Hversu oft hefur maður gengið svona einn um á leið heim af djamminu. Hverslags menn eru þetta?? Þetta eru ekki menn heldur djöflar í mannsmynd. Það verður allaveganna regla í vinahópnum núna að engin fer ein heim!!! Allar saman eða engin!! Víst að ástandið er orðið svona verðum við að passa upp á hver aðra og leggjast á eitt að svona menn líti ekki dagsins ljós.

Molly, Betty og Melissa

Lífið í Ásgarði 3...

....er ljúft. Þar bý ég með íðilfögrum snótum, þeim Mattý og Birnu. Það er obbosslega gott að búa með þeim, ég hefði ekki getað fengið betri meðleigjendur. Stundum ímynda ég mér að lífið sé ein bíómynd og við þrjár séum aðalleikararnir. Myndin heitir Girlfriends eða nei höfum þetta þætti.. svona eins og Related. Ég held allaveganna að þættirnir yrðu mjög skemmtilegir, ég meina lífið á campus, gæti ekki verið meira djúsí.
Aðalpersónur þáttarins eru Melissa, Betty og Molly.
Mattý léki Molly. Molly er rosalega samviskusöm og ef að hún er ekki að læra niðrí lesbás, þá er hún í ræktinni. Molly elskar að borða.. sérstaklega brauð eða beyglur. Svo er hún blak- og danssjúk. Molly finnst gaman að fara út að skemmta sér og eftir nokkra drykki finnur maður hana oftast í sveiflu á dansgólfinu.. helst með einhverjum herra! Molly ætlar samt ekkert að binda sig neitt strax en stundum, á viðkvæmum mómentum, væru hún alveg til í að eiga kærasta.
Birna léki Betty. Betty finnst gaman að kjafta. Hún lærir og kjaftar til skiptis. Betty elskar nammi og hatar grænmeti. Betty er líka "Monica" í sér og sést oft með moppuna á fleygiferð um eldhúsið. Hún vill líka alltaf hafa kvöldmat, sama þótt Melissa (sem að Maj-Britt leikur) sé í megrun. Betty á kærasta. Hann býr ekki á svæðinu en kemur stundum og eldar pizzu handa stelpunum í Ásgarði 3. Þegar að Betty dettur í það þá er engin leið að finna hana. Oftar en ekki finnst hún á kjafti við hina og þessa út um allt kaffihús og liggur lífið á.
Melissa (Maj-Britt) er pempían í hópnum. Hún er oftast í pilsum og háhæluðum skóm og er alltaf í megrun. Samt getur hún ekki hætt að borða. Melissa elskar glingur og lærir aldrei ofmikið... bara nægilega mikið. Melissa er tilfinningarík og opin og vill knúsa fólk. Ef að hún vill getur hún verið prófessjónal en oftast er hún leagally blonde. Melissa á kærasta sem að býr í útlöndum. Hún hittir hann stundum í París eða öðrum borgum og er alveg óþolandi rómantísk. Þegar að Melissa dettur í það þá á hún til að verða syfjuð og stinga af heim. Áður en það gerist er hún búin að knúsa Betty og Molly og hinar stelpurnar og segja þeim hve henni þykir vænt um þær... (kannski einum of oft!)
Nú það eru fullt af aukaleikurum í þáttunum. Á neðri hæðinni í Ásgarði búa til dæmis tvær vinkonur aðalpersónanna, þær Clohie (Sóley) og Grace (Guðný). Þær eru hressu týpurnar, alltaf til í djamm og reyta af sér brandarana. Þær koma með mohijto-ana og brosið inn í þættina.
Nú, tvær aðrar mjög góðar vinkonur leika í seríunni. Roxanne (Anna) býr utan svæðis. Molly, Betty og Melissu finnst mjög gaman þegar að hún býður heim til sín. Hún er reyndar ekki mjög gestrisin, lætur annað hvort gestina koma með ídýfuna og það eða lætur kallinn sinn elda oní liðið. Roxanne á nefninlega mann og barn og er því reynslunni ríkari. Roxanne er líka ekki öll þar sem að hún er séð því að hún virkar róleg og dul á alla. Hún er hins vegar kaldhæðinn húmoristi sem að kann sko að sletta úr klaufunum. Roxanne er gáfnaljós sem lærir á næturnar og þegar að hún dettur í það ullar hún stanslaust í myndavélina.
Heather (Halla) er týpan sem að vill allt fyrir alla gera. Hún er líka helstu tengsl okkar hinna við kennarastofuna. Hún á líka alla þættina og allar bíómyndirnar. Heather ELSKAR að tala og á það til að blaðra stanslaust. Hún hlær líka mikið og lærir á milli þess að hún stússast fyrir aðra og sinnir stelpunni sinni. Heather getur drukkið hvern sem er undir borðið. Hún er alræmdur "sjóari" þegar að kemur að djammi og Grace segir að Heater eigi að taka Melissu í læri :)
Nú svo eru fleiri.. t.d. Joline (Jónína) en hún er "mamman" í hópnum. Hún er samt ungleg með eindæmum. Hún lætur allt flakka og fær sér sígó og kaffi eins og henni sé borgað fyrir það! Hún flúði Clohie og Grace, enda djamma þær dáldið mikið!!! ;)
Haldiði að þetta yrðu ekki vinsælir þættir?????

Pirringur, einbeiting = 0, átsýki ofl.

Einu sinni var lítil stelpa sem að hét Maj Britt. Hún vildi verða lögfræðingur þegar að hún yrði stór. Þegar að hún komst að því að hún yrði aldrei stór ákvað hún að verða lögfræðingur þegar að hún yrði eldri. Til þess að hún geti orðið lögfræðingur verður hún að taka munnlegt próf í stjórnskipun á morgun kl 13. Henni finnst mjög pirrandi að geta ekki einbeitt sér og henni finnst hún kunna fullt en samt ekki neitt! Nú svo er Maj-Britt litla líka með átsýki á hæsta stigi og svefnsýki sem er óviðráðanleg á daginn en lætur ekki á sér kræla á næturnar. Ég legg til að við stofnum stuðningshóp fyrir Maj-Britt svo að hún geti orðið lögfræðingur. Hjálpum henni að koma reglu á líf sitt, læra meira og éta minna. Ef að Maj-Britt litla fær ekki hjálp.. já þá Guð hjálpi henni því hún stefnir til Helvítis á morgun kl. 13!!

No news - good news?

Ég er að skrifa enn eina ritgerðina og nú er ég að skrifa um Bókun 35. Verðlaun fyrir þann sem veit hvað það er?! Þess vegna er lítið í fréttum. Kuldaboli lætur á sér kræla á Bifröst en sem betur fer er hlýtt og gott inni. Fyndið samt hvað heyrist mikið í veðrinu hérna.
Núna er bara 9 dagar í París en áður en að ég kemst þangað þarf ég að klára þessa ritgerð, fara yfir 50 próf og fara sjálf í 2 próf. En það verður ljúft að slappa af í París eftir erfiðið.

Nú hér eru svo síðbúnar myndir frá Spánarferð okkar Tinnu. Notalegt að ylja sér við þær í kuldanum ;)

Obbosslegt fyllerí alltaf á þessum systkinum manns!!!! hehehe ;)

Strákur!!!

Ólöf vinkona mín eignaðist strák í gær. Allt gekk rosalega vel og ég óska henni, Valla og Emmu til hamingju með snáðann ;)

_____________________________________________________


Hér eru síðbúnar myndir af senjorítum í Reykjvík....

Sorry stelpur....

.... en hann er genginn út.....

(hint: kíkið á brúðkaupsmyndirnar)

Örlítil samúð óskast

Ég er að skrifa ritgerð í kröfurétti. Hún á að vera löng og skemmtileg en er stutt og leiðinleg. Ég á að vera að meta það hvort að riftun sé raunhæft vanefndaúrræði í lausafjárkaupum. Getiði kannski bara sagt mér svarið???

Sögustund

Fyrir nokkrum dögum hringdi Einar á skrifstofuna hérna á Bifröst. Hann bar upp erindi sitt og var spurður til nafns. "Einar Eyjólfsson, heiti ég" sagði kappinn hljómþýðri röddu. "Já, Einar hennar Maj-Britt??" spurði skrifstofudaman þá í sakleysi sínu. Einari varð, eins og von er, mikið niðri fyrir. Hann sem hefur bæði verið lengur í skólanum en ég og kennt hér í þokkabót verður ekki lengur þekktur sem Einar Eyjólfs, hann er enginn annar en Einar hennar Maj-Britt ha ha ha!!!!

Ruglingur

Þegar að ég horfi á Valgerði Sverrisdóttur í tv þá sé ég bara Randver Þorláksson!!

Speki

Ég og Einar erum Sporðmaður og Bogdreki og eigum líka alveg svona helv*** vel saman!

Málstofa

Ég er að skrifa ritgerð um það hvort að riftun sé raunhæft vanefndarúrræði. En þetta blogg er ekki um það. (hjúkk segja sumir) Ég tók mér nefninlega pásu frá skrifum áðan og fór á málstofu um kynferðisafbrot. Ragnheiður Bragadóttir prófessor við lagadeild HÍ er ein þeirra sem að samdi frumvarp til laga um breytingu á almennum hegningarlögum. Hún var fyrirlesari á málstofu í dag og kynnti þetta frumvarp. Í þessu frumvarpi voru 3 brotaflokkar skoðaðir:

1.Nauðgun og önnur brot gegn kynfrelsi fólks
2.Kynferðisafbrot gegn börnum
3.Vændi

Já, held að flestir geti verið sammála um nauðsyn þess að endurskoða löggjöfina varðandi þessi mál.
Í dag er refsirammi vegna nauðgunar byggður á verknaðaraðferðum. Í því felst að nauðgun er aðeins sá verknaður sem að felur í sér ofbeldi eða hótun um ofbeldi. Refsing við þess konar brotum er fangelsisvist frá 1-16 ár. Hins vegar telst það ekki nauðgun ef að einhver notfærir sér ölvunarástand konu til að koma fram vilja sínum. Einnig telst það ekki nauðgun í skilningi laganna að koma fram vilja sínum við þroskaheftan einstakling. Þannig er refsiramminn 30 dagar- 3,4 eða 6 ár í þess háttar brotum. Í þessu nýja frumvarpi er hugtakið nauðgun skilgreint upp á nýtt og rýmkað mjög og þannig er refsiramminn fyrir brot eins og nauðgun á sofandi/áfengisdauðri manneskju eða það sem að áður flokkaðist undir misneytingu rýmkaður í 1-16 ár. Þetta er allt af hinu góða og fáránlegt að þetta hafi ekki allt talist nauðgun áður.
Ragnheiður fjallaði líka um fyrningu kynferðisafbrota og færði hún góð rök fyrir því að þau ættu að fyrnast. Hins vegar byrja þau ekki að fyrnast fyrr en um 18 ára aldur skv. frumvarpinu en þau byrja að fyrnast við 14 ára aldur í dag. Ég var sammála henni að þessi brot ættu að fyrnast eins og önnur brot en tel það vera mjög gott að fyrningafrestur hefjist ekki fyrr en eftir að þolandinn hefur náð "fullorðins" aldri. Í frumvarpinu er einnig kveðið á um að refsihámark fyrir kynferðislega áreitni gagnvart börnum verði hækkað um 2 ár og þannig lengist fyrningarfresturinn og fólk verður komið vel á fertugsaldur þegar að brotin fyrnast. Þetta er samt mikið hitamál og ég veit að það eru sko ekki allir sammála mér í þessu.
Að lokum fjallaði Ragnheiður um vændi. Með frumvarpinu var ákveðið að fara ekki svo kallaða sænska leið. Sænska leiðin felur í sér að kaupanda vændis er refsað. Tillögur frumvarpsins fela í sér að ákvæði um bann við sölu vændis til framfærslu verði afnumið og lögfest verði ákvæði um refsingu fyrir að bjóða fram, miðla eða óska eftir kynmökum í opinberum auglýsingum. Ég er ekki alveg búin að mynda mér skoðun á því hvort að þessi sænska leið sé góð eða slæm. Einhvern veginn finnst mér alveg rök fyrir því að það ætti að vera refsivert að kaupa vændi og ef að það er ólöglegt að bjóða fram, miðla eða óska eftir kynmökum, ætti þá ekki að vera ólöglegt að kaupa þau?? En eins og með allt þá eru rök með og á móti.

Ég á mér blogg...

og veit svo sem ekki alveg hvað ég er að vilja upp á dekk með það. Veit bara að ég er með blogg... punktur. Mér finnst eiginlega of heimspekilegt að fara að velta því fyrir mér af hverju ég sé bloggari, nenni ekki að fara í einhverja sjálfskönnun... bara hreinlega meika það ekki. Það er nóg að vera í yoga.

Fyrir utan það að skrifa sjálf blogg þá les ég blogg annarra. Það er alveg hreint merkilegt hvað maður dettur inn í þennan bloggheim, þessa bloggmenningu og getur hreinlega ekki stjórnað sér. Ég er bara á bólakafi. Hef nú eytt um það bil 3 klst í að lesa blogg hjá fólki út í bæ. Ekki fara nú að misskilja mig. Ég er ekki föst yfir "hvað ég gerði í gær" og "ég gerði 30 armbeygjur í ræktinni áðan" bloggum heldur bloggum sem eru uppfull af djúsí skoðunum um lífið og tilveruna.

Mig langar að vera djúsí bloggari. Finnst ég vera alltof löt við að skrifa blogg um pólitík og þjóðlífið. Af hverju er ég t.d. ekki búin að blogga um Ómar??? Ómar fer hamförum um landið og er kominn út úr skápnum með ýmislegt. Ómar er náttúruverndarsinni en ekki fréttamaður. Þetta eru ekki fréttir... bara alkunnar staðreyndir. Ég treysti því að Ómar hafi selt bílinn sinn (þegar að hann fjárfesti í Örkinni) og ferðist með strætó eins og sönnum náttúruverndarsinna sæmir. Hann á eflaust sæti pantað við hliðina á Bubba Morthens í leið 112. Þar sitja þeir eflaust og brosa framan í sólina, í sátt við náttúruna.
En hvað veit ég? Ekki hef ég komið til Austfjarða og séð dýrðina. Allaveganna segir Dr. Herdís þetta vera fallegra en Gullfoss. Valdi var ekki sammála, hann sagði þetta urð og grjót.

Af hverju blogga ég heldur ekki um brotthvarf Dagnýjar úr stjórnmálum. Er kannski einskis að sakna? Ætli hún hafi gefist upp á að fylgja Framsóknarforystunni í vafasömum málum eða er hún ef til vill bara dauðþreytt? Það er ekki eins og Framsókn hafi haft úr margmenni að moða þegar að þeir röðuðu í nefndir forðum daga.

Og af hverju hef ég ekki bloggað um leyniþjónustumálið og Björn Bjarnasona (aka Jón Spæjó) ?? eða þá um að varnarliðið sé farið? Sýnilegu varnir landsins eru horfnar og ósýnilegar varnir teknar við... þær eru svo ósýnilegar að enginn fær að vita neitt um þær (spúkí)....

Jæja kannski að ég taki mig á og fari að blogga um eitthvað sem að máli skiptir, blogga um eitthvað annað en að ég líkist Jessicu Simpson og ég þurfi að fara í megrun. Einhvern veginn er það nú samt bara svo að kommentin eru gjarnari á að koma á þess konar færslur.... þessar pólitísku gera fólk greinilega kjaftstopp!

Góð helgi.......


framundan. Núna sit ég alsæl og pakksödd með Mattý eftir góða mangokjullamáltíð. Við sitjum báðar og lesum í kröfurétti og horfum með öðru auganu á Kastljósið (vorum að sjá Audda tekinn í Kastljósinu og dóum úr hlátri). Ætlum svo að horfa á tónleikana með Ragnheiði Gröndal og Eivöru Pálsd. og hafa það kósý í kvöld. Svo verður bara lærdómurinn tekinn á þetta um helgina og almenn kósýheit. Íris vinkona ætlar að leyfa mér að dekra við sig annað kvöld. Svo eru það göngutúrar í yndislegri náttúrufegurð hérna á Bifröst, litadýrðin er ólýsanleg.
En hvað á svo að gera um helgina?? tellmí :) en annars hafið það bara yndislegt....

ps. Ég fann gleraugun mín eftir ársleit!!!!

Óþarfa atriði?

Pabbi minn er með ákveðinn sjónvarpssmekk. Hann hefur nú reyndar breyst dálítið í áranna rás en þó er óhætt að segja að hann fíli ekkert sérstaklega rómantískar gamanmyndir. Ef að maður býður honum upp á video-spólu þar sem að í treilernum koma fram orðin rómantík og gamanmynd þá bandar hann hendinni og fussar og sveijar. Ef maður getur samt með lævísum hætti komið myndinni í tækið þá á hann það til að myndspóla yfir öll atriði þar sem að fólk helst í hendur eða kyssist, kynlíf og allar þær senur þar sem að fólk er ekki mikið að tala saman. Sem sagt "óþarfa" atriði. Ef að myndin er hins vegar í sjónvarpinu þá skiptir hann bara um stöð meðan svona óþarfa atriði eru í gangi. Ég sá til að mynda ekki heilan koss í bíómynd þar til að ég flutti að heiman 19 ára gömul! Ég held samt að hann sé skárri með þetta núna, eitthvað að linast með aldrinum blessaður. :)

Bloggrúntsbann!!

Ég hef nú opinberlega sett mig í bloggrúntsbann. Hér eftir má ég aðeins fara þrjá bloggrúnta á dag. Á morgnana, um eftirmiðdaginn og á kvöldin. Það fer alltof mikill tími í þetta hjá mér og þetta truflar mig við lesturinn. Ég fer nefninlega mjög oft svo kallaðan bloggrúnt þ.e. fer á milli blogga vina minna og skólafélaga og nokkurra "fasta" bloggara sem að ég þekki ekki neitt. Stundum slysast ég svo inn á blogg hjá fólki sem að veit hvorki haus né sporð á. Það verður bannað hér eftir nema um helgar! Já nú verð ég að vera ströng við mig... sjónvarpsbann og bloggrúntsbann fram yfir próf! Ef að einhverjir eiga við sama vandamál að stríða mega þeir kvitta hér fyrir neðan, en það kæmi svo sem ekki á óvart að ég sé ein í geðveikinni eins og svo oft áður... :-/

Tinna

Ég á vinkonu sem að heitir Tinna. Tinna er með stórt hjarta og magnaðar hendur. Hún er líka með seiðandi augu og svo er hún góð mamma. Hún er líka góð vinkona. Hendurnar hennar og hjarta hafa oft hjálpað mér og mér finnst ég vera heppnin að eiga hana að.

Ég og Tinna höfum átt margar góðar stundir saman, bæði tvær einar og í góðum hópi HÁS-stelpnanna. Tinna gefur mér gjafir og hún dúllar við mig. Hún dregur sig stundum inn í skelina sína en ó það er svo gott þegar að hún kemur út úr henni aftur. Ég er farin að þekkja hana Tinnu mína ansi vel og veit þegar að henni líður illa og þegar að hún er hamingjusöm. Ég held að Tinnu finnist gott að þurfa ekki að segja orð, henni nægir að líta aðeins í augun mín eða segja hluti á sérstakan hátt. Ég á FULLT af myndum af okkur Tinnu við ýmis tækifæri. Í þessari færslu er aðeins brotabrot af því skemmtilega sem að við höfum gert saman. Mér finnst Tinna töffari en stundum er hún samt gúmmítöffari.... en samt kúl gúmmítöffari :)
Til hamingju með afmælið elsku Tinna mín, lífið brosir við þér um leið og þú tekur nýju ári fagnandi.
Lovjú ...
þín Maj Britt

Senjorítur í Reykjavík á laugardagskvöldi

ooohhhh hvað ég hlakka til þegar að.....

það verður bannað að reykja á kaffihúsum og skemmtistöðum á Íslandi!
Ég sé þetta í algjörum dýrðarljóma. Þá getur maður lallað sér inn á kaffihús með börnin sín (ef að maður ætti einhver) já eða bara fötin sín án þess að hafa áhyggjur af því að stefna afkvæmunum í hættu eða koma gegnsósa út. Ég tala nú ekki um að geta borðað matinn sinn án þess að kúgast og geta andað án þess að líða eins og maður sé með kartöflu í hálsinum.
Ég fór eitt sinn út að skemmta mér í Mílanó. Þar var bannað að reykja inn á skemmtistöðum og maður kom ferskur eins og vorsins blær heim af djamminu. Dásamlegt!
Ég nenni ekki einu sinni út í lögfræðilega sálma hvað varðar eignarrétt og vinnuvernd því það eina sem að kemst að í mínum huga er: tært loft!!!

Það sem að vantaði á helgarlistann var....

gubbupest.....