Newsflash....

Jæja ég er komin í slökun. Ég náði ekki að skila ritgerðinni sem að er bömmer. Ég er samt búin með hana að mestu en átti smá frágangs og heimildarvinnu eftir. Svo settu veikindi hjá Herdísi Maríu strik í reikninginn þessa síðustu viku. Leiðbeinandinn minn sagði að ég gæti skilað henni inn, en ég var ekki sátt við að láta hana frá mér eftir svona mikla vinnu þegar að mér líður eins og hún sé ekki alveg tilbúin. Svekkjandi en svona er þetta. Líkaminn minn var líka löngu búinn að segja stopp og í síðustu mæðraskoðun sagði ljósan mín stopp líka. Ég mun því útskrifast í vor sem er náttúrulega miklu skemmtilegra... gardenpartý og svonna haha.

En að öðru og meira skemmtilegu. Ég kláraði jólakortin í gær og ætla að pakka inn núna í dag restinni af gjöfunum. Svo þarf ég að tjúna mig niður svo að ég komist í fæðingu. Stefni á sunnudag/mánudag haha... nei segi svona. Kannski 27. des?? Æ hvað veit maður, það er allaveganna allt rólegt núna.
En núna er akkúrat tími fyrir slakandi freyðibað og eina vidjómynd... hvað finnst ykkur?

Desember

Aðventan er yndislegasti tími ársins að mínu mati. Þá nýtur maður þess að baka, skreyta, dúlla með börnunum, fara á jólahlaðborð, setja upp jólaseríur, kveikja á kertum og hugsa jákvætt og fallega. Og nú er aðventan gengin í garð. Það verður lítið um skrif hér þar til að ritgerðinni verður skilað. Ég vona að þið hafið það dásamlegt í skammdegi aðventunnar. Kveikið á kertum og njótið samverunnar með famelíu og vinum. Ég ætla að reyna að gera sem mest af aðventustuffi meðan að ég skrifa eins og vindurinn. Sendið mér góða ritgerðarstrauma á endasprettinum. Lovjú gæs. Gleðilega aðventu.

Skjaldbaka

jæja ritgerðin mjakast. Ég er komin með tæplega 23.000 orð en á ennþá slatta eftir. Mér finnst fyrri helmingur ritgerðarinnar orðinn nokkuð góður en á eitthvað í land í þeim seinni. Finnst ég ekki alveg sjá í land. Ég er því svolítið stressuð þessa dagana þar sem að ég veit að líkaminn minn býður ekki upp á nein 12 klst skrif á dag. Ég get snapað mér klukkustund hér og klukkustund þar áður en að heimilið, barnið eða líkaminn æpir. Ég geng hér um gólf eins og skjaldbaka því einkenni grindargliðnunar láta á sér kræla þegar að ég hef ryksugað smá eða setið í meira en klst við skriftir. Næturnar eru líka stundum soldið strembnar, erfitt að finna þægilega stellingu og svona. Svo hef ég í fyrsta skipti fengið brjóstsviða! Fékk hann aldrei með Herdísi Maríu. Þetta kríli er líka svo hátt uppi, finnst það stundum vera komið velundir rifbeinin. En nóg af kvarti, best að fara á fund með leiðbeinandanum mínum. Ciao!

ps. takk fyrir dásamlegar kveðjur hér í kommentaboxinu fyrir neðan. Kiss, kiss og KRAM!

Ritgerðarskrif (og með því..)

ganga hægt en ganga þó. Stefnan er tekin á það að senda prófessornum uppkast þann 3. október, svo næsta vika er tileinkuð ritgerðinni minni.

Anna Stína systir Einars og famelía hefur verið hér á Íslandi undanfarnar 2 vikur. Mads maðurinn hennar og hún buðu til svaka flotts kvöldverðar fyrr í vikunni og þar fengum við góðar fréttir ;) Say no more.

Ég gluggaði aðeins í bloggið hjá stúlkunni sem að var myrt (ég get næstum ekki skrifað það "myrt"). Hún virkaði lífsglöð og full af ævintýraþrá. Ég fæ sting í hjartað mér finnst þetta svo sorglegt. Hún fór í ferðalag út í heim og kom aldrei aftur. Hana hefur tæpast grunað að hún ætti ekki eftir að stíga aftur á íslenska grund þegar að hún flaug á vit ævintýranna.

En vá hvað það er mikið haustveður úti. Það var eiginlega dimmt í morgun þegar að við litla famelían í Arnarkletti vöknuðum. Það styttist í snjóinn svei mér þá. Næsta helgi verður kósýhelgi, það er á hreinu. Síðasta helgi var svo bissí bissí bissí að við eigum skilið að slaka á og hafa það bara þvílíkt rólegt. Hafið það gott um helgina rassálfarnir mínir. Ég sendi ykkur STÓRT helgarknús.

Ritgerðin.....

... er komin á fullt skrið. Hjúkk að ég sé komin í gang. Ég hef ákveðið að skipta henni upp í 3 hluta og ætla að hafa fyrsta hlutann um 7000 orð. Ég er komin með 5700 orð. Ég á samt eflaust eftir að henda einhverju út og þannig en þetta er komið í gang. Svo er undirbúningurinn fyrir 1 árs afmæli prinsessunar í fullum gangi. Borgarnesprinsessan fær flott afmæli.. ekki á hverjum degi sem að móðirin á 1 árs barn! :)

Gifs-gips

Ég var gifsuð upp að olnbogum í gær... á báðum höndum! Það verður því ekki mikið um mastersritgerðarskrif það sem eftir lifir annar :(

ps. kíkti í orðabók og það má víst bæði skrifa gifs og gips

Riddari á hvítum hesti

Dagur er nýr borgarstjóri í Reykjavík! Ég hef lengi haft dálæti á Degi eða alveg síðan að ég var skotin í honum þegar að ég byrjaði í 3. bekk í MR. Ábyggilega ein af mörgum.
Þá var hann í 5. bekk og Scriba. Hann gekk hnarreistur um skólann og sveiflaði makkanum gáfumannlega. Svo var hann í ræðuliðinu og skrifaði ljóð í Skólablaðið. Ég varð alveg staurblind, sá ekkert annað en hann fram að jólum.
Þennan vetur fór ég á mörg skólaböll. Mikill troðningur myndaðist fyrir utan skemmtistað, þar sem að ég beið eftir að komast á eitt þeirra. Ég lítil sem ég er, var gjörsamlega að kafna þarna í miðri þvögunni. Allt í einu var mér lyft upp úr þvögunni og borin inn af engum öðrum en nýkjörnum borgarstjóranum. Þið getið rétt ímyndað ykkur hvernig litla busanum leið! Riddari á hvítum hesti er réttnefni og nú er hann riddarinn sem bjargar borginni eða er þaggi??

ps. þessi saga er DAGsönn ;)

Haust og fyrirvaraverkir

Já það er komið haust. Rigningin hérna í Borgarnesi var lárétt í dag og regnið dynur á rúðunum hérna í Klettinum. Þá er gott að kúra upp í sófa með kertaljós, vatnsglas og kókosbollu!! Já ég er með æði fyrir kókosbollum og búin að smita Einsa. (Til að friða samviskuna vegna kókosbolluátsins þá elduðum við fisk í kvöldmatinn.)

Ég hreinlega elska haustið. Þá fer daginn að stytta og kvöldin koma snemma með öll sín kósýheit. Haustlitirnir prýða landið og það verður sérstaklega fallegt hérna í Borgarfirðinum. Nú svo fer að styttast í jólin. Gaman, gaman.

Í sl. viku fórum við Einar niðrá Skaga og skoðuðum fæðingadeildina. Okkur leist ekkert smá vel á hana. Þar eru tvær fæðingastofur, baðkar, hjónasvíta og svo fín herbergi fyrir sængurleguna. Hjúkkan sýndi okkur sogklukku, glaðloftstækið, útskýrði hvernig útvíkkun er mæld, fræddi okkur um nálastungur og fleiri verkjameðferðir. Þetta var rosalega fróðlegt og fínt að hafa farið svona áður og skoðað aðstæður. Skrýtið að hugsa til þess að ég eigi eftir að vera emjandi þarna á annarri fæðingastofunni innan fárra vikna!

Ég held að ég sé komin með fyrirvaraverki. Ég fæ samdrátt í kúluna og svo þrýsting niður í leg sem að leiðir út í bak. Er það ekki fyrirvaraverkur? Ekkert óbærilegur sársauki en samt frekar óþægilegt.

Ég er farin að undirbúa málflutninginn næsta föstudag. Ég er að stefna Íslenska ríkinu fyrir hönd einhvers kalls sem að telur sig eiga inni orlof hjá Vegagerðinni. Vonandi að maður geti staðið þarna í skykkjunni og flutt þessa ræðu án þess að þurfa að pissa eða setjast út af samdráttum ;)

Birna vinkona gifti sig á laugardaginn. Ég er svakalega svekkt að hafa ekki komist en brúðkaupið var á Egilstöðum svo ég hélt mig heima. Frétti að það hefði verið æðislegt og brúðhjónin voru stórglæsileg! Rosa flottar myndir :) Innilega til hamingju Birna mín.

Afmælisbarn dagsins er svo Marín. Marín mágkona átti afmæli 3. september (það er víst kominn 4. sept núna) og óska ég henni, barninu, til hamingju með að vera komin í fullorðinna manna tölu :) Marín er gjafmild, góð, sæt og rosaleg dugleg og klár stelpa. Eiríkur bróðir er heppinn að hafa náð í hana. Svo ungar hún út eins og henni sé borgað fyrir það, ekki amalegt það Eikibro!! :):) Takk fyrir gjöfina frá því í gær, Marín. Te-ið og lavenderdótið á eftir að koma sér vel og ég er þegar byrjuð að blaða í bókinni. (veit að bókin er samt bara í láni;)

Jæja læt þetta gott í bili og ætla að reyna að sofna. Einar er löngu sofnaður en ég ákvað að blogga eftir eina klósettferðina.

Síðasta prófið!!

Jæja, þá var maður að henda inn síðasta prófinu í meistaranáminu. Pælið í því! Þetta var heimapróf í samningarétti og ég byrjaði á því kl: 16:00 í gær. Í morgun mætti svo rafvirki á svæðið og var að taka út rafmagnið í húsinu (hvað sem það nú þýðir). Og viti menn hann tók náttúrlega rafmagnið af! Ég fór öll í panikk og komst ekki á netið og var alveg með í brókunum að netið kæmi ekki inn eftir að gaurinn væri farinn. Nú svo þrammaði hann um alla íbúð til að mæla tenglana og svo þurfti hann að nota klósettið, standa upp á stól með plömmerinn og bara endalaus vesenisgangur á honum! Ég var alveg í stresskastinu en náði nú að klára prófið og henda því inn. Nú er því sem sagt málflutningurinn eftir og svo blessaða ritgerðin.

Eitt að lokum, hafiði horft á spænsku sápuóperuna á Stöð 2. Tónlistin í henni er sko alveg mögnuð, þvílíku dramastefin og það hljómar alltaf eins og það sé verið að drepa mann eða halda fram hjá eða einhver sé að fá minnið......eitthvað voðalegt drama í gangi!

Ryksugan á fullu...


Við fengum afhent í sl. viku og sváfum fyrstu nóttina aðfararnótt föstudags. Föstudagur til fjár !!! en svo var þetta nú líka föstudagurinn 13. svo maður veit ekki ;)
Við erum á fullu að koma okkur fyrir og ég er gjörsamlega að drukkna í fötum! Þvottavélin okkar tók upp á því að bila, þvílíkt pirrandi og ég þarf því að fara til tengdó með þvottinn... (þar til að vélin verður löguð) Fyrstu nóttina í Arnarklettinum góða dreymdi mig brjóstamjólk.. flæðandi út um allt! Ég held að það viti á gott, kannski frjósemi??? hahaha
Mér líður ágætlega. Flutningarnir og þrifin tóku á og ég fann fyrir verk í grindinni. Á erfitt með svefn og geri allt á slow motion.

Skólinn byrjaði í morgun og álagið verður mikið. Fyrsta verkefnið á miðvikudaginn í formi fyrirlesturs. Ég þarf því að leiða draslið hjá mér og læra!! Stuð, stuð, stuð.
Það hefur verið mikill gestagangur til okkar. Vinir og vandamenn að koma og kíkja. Öllum líst voða vel á þetta og okkur líður stórvel í höllinni okkar :o)

Skelli inn myndum fljótlega, þangað til næst
30 vikna bumban

Þessi mynd er tekin fyrir 3 vikum. Þarna er ég á 24. viku en er núna á 27. viku. Allt gengur vel. Einar kom heim í gær frá Vín. Hann kom hlaðinn barnafötum og loksins fékk baunin spjör. Ég get ekki annað sagt en að ég hlakki mikið til að komast í nýja húsið og koma mér fyrir t.d. raða barnafötunum í kommóðuna. Sumt af þessu er svo pínulítið að það er BARA krúttlegt. Einar hringdi í mig úr barnafataverslun í Köben og spurði "hvað verður krakkinn eiginlega stór?" he he.. held að það sé nú nokkuð víst að hann verður pjúní. :)

Annars er ég byrjuð á mastersritgerðinni minni. Ég ætla að skrifa um jafnrétti á vinnumarkaði: sömu laun fyrir sambærileg og jafnverðmæt störf. Rannsóknin felst einkum í því að greina það hvernig starfsmatið fer fram (hvaða störf séu sambærileg og jafnverðmæt) Ég ætla að skoða þetta út frá innlendri og erlendri löggjaf, dómaframkvæmd osfrv. Ég er þegar farin að lesa 600 síðna doktorsritgerð um samskonar efni ;)

Annars skín sólin í Borgarnesi og Einar að fara að koma heim úr vinnunni. Kannski að maður grilli bara?

Til hamingju með daginn skvísur!!

Jæja þá er ég komin í sumarskapið! :) búin með skýrsluna sem endaði í 45 bls... og hún er farin til Madrid. Sé hana ekki meir hehe... Næst á dagskrá er því mastersritgerð. Mér var boðið að vinna spennandi mastersverkefni og segi ykkur frá því þegar að nær dregur. Ætla að byrja á að sækja um það núna í vikunni og sanka að mér heimildum. Stefni á að skila rannsóknaráætlun sem fyrst.

Annars er nóg að gera í social-lífinu. Síðasta helgi var pökkuð. Fór í útskriftarveislur og svo var náttúrulega þjóðhátíðardagurinn. Renndum á Þingvelli og skoðuðum nýja sumarbústað fjölskyldunnar. Hann á að heita Sólvangur og er á rosalega flottum stað við Þingvallavatn nánar tiltekið í Grafningnum. Það verður lúxus að tjilla þar. Það var stuð í útskriftarveislunum og ég dansaði langt fram á nótt. Kúlan var orðin glerhörð en baunabarnið steinsvaf allan tímann. Um leið og ég kom heim og lagðist í bælið þá byrjaði það hins vegar að dansa svo ég sofnaði ekki nærri því strax. Í vikunni þá eru fullt af hittingum. Í kvöld er frænkuárshátíð en við ætlum á A-Indía félagið. Annað kvöld er kaffihúsahittingur með Bjarka og Ömma og matarboð á fimmtdagskv. Svo er ég að vonast til að hitta nýútskrifaðan Kaos-Pilot þ.e. Diljá mína og heyra allt um útskriftina hennar sl. helgi. Fúlt að hafa ekki getað verið með gellunum í Danmörku.

En er ekki málið að skarta bleiku í dag?? Ætla að skella mér í bleikt og fara í sund. Sól í Borgarnesi, hvað annað ;)

Brottför af Bifröst undirbúin

Já þetta tímabil hérna á Bifröst er að renna sitt skeið. Mikið ótrúlega hefur þetta liðið hratt. Ég skila vistarverum mínum af mér fyrir 1. júní og er núna að pakka og sortera. Birna er farin og Mattý er á síðasta snúning. Þegar að ég skelli í lás hér á Ásgarði 3 þá mun ég ekki flytja aftur á Bifröst. Skrýtið. Þá tekur 1 1/2 mánaðar bið við hjá tengdó eftir Arnarklettinum. Þessi törn okkar meistaranema sem að hófst í júlí í fyrra hefur liðið gígantískt hratt. Meistaranámið hófst með látum og við höfum eiginlega ekki stoppað síðan þá. Enda viðurkenni ég að ég er búin á því! Núna er bara sumarönnin eftir en hún hefst í júlí og svo málflutningur og ritgerð. Útskrift í janúar ef að baunin leyfir. Ég verð nú samt eitthvað viðloðandi Bifröst í júní þar sem að ég hef tekið að mér að vinna verkefni fyrir skólann. Skila því af mér 18. júní og þá þyrfti maður að byrja á ritgerð og pakka! Nóg að gera. Ætla að henda nokkrum myndum inn frá sl. sumri og vetri hér í ML. Takk fyrir veturinn!

Kokteilapartý
ML-dinner í Ásgarði 3

Heimasæturnar í Ásgarði 3 "Lesbos" + ein að neðan!

Tvær ófrískar

Mattý í sveiflu á Bifró
Smile!!!

Bifró... ú Sóley sexy

Þóra og Ögmundur
Jónína duglega!


Í próflestri

Matarklúbburinn góði

Morgunkaffi

Í KringlunniEftirminnileg ræða!!

Djamm í dal hinna dauðu

Heimasæturnar í Ásgarði 1 og jamm Hamragörðum

Sumarið 2006-ML nýbyrjað

Í matarboði hjá Elínu Blöndal

Eitthvað að tjilla saman

Hausthátíð

Þóra og Valdi

Að kúra heima í stofu í Ásgarði

Guðný að baka pizzu

Á þessari mynd er engin ófrísk!!

Kokteilapartý

Í eftirmiðdagskaffii

Skonsur og súkkulaðikaka ummmm

Að læra!

Próf, próf, próf....


Ekkert að frétta nema það að ég er að drukkna í stjórnsýslurétti. Próf á morgun, munnlegt. Ég verð að viðurkenna að ég er ekki alveg eins vel lesin og ég hefði viljað. En svona er lífið. Baunabarnið sparkar og sparkar og truflar við lesturinn. Ég hef miklu minna úthald en venjulega í próflestri. Já og núna kom spark. Spörkin eru alltaf að verða kröftugri. En ætla að halda áfram, er komin allt of stutt.

Ritgerðarskrif í veðurblíðu


ohoo... gat þetta veður ekki komið á morgun?? Hver stjórnar þessu?

Leiðinda misskilningur eða?

Ég fór í fermingu um helgina. Þar sem að ég sat í makindum mínum og át ljúffengar veitingar komst ég ekki hjá því að heyra tal nokkurra veislugesta við borðið. Einn gestanna hélt því fram að lögfræðinámið sem kennt er á Bifröst veitti ekki sömu réttindi og lögfræðinámið í Háskóla Íslands. Þetta er þrálátur misskilningur. Ég leiðrétti þetta að sjálfsögðu og tók það skýrt fram að nemendur sem útskrifast frá Bifröst með ML-gráðu njóta sömu réttinda og þeir nemendur sem útskrifast með mastersgráðu í lögfræði frá HÍ. Við sem útskrifumst héðan getum því innritað okkur á lögmannsnámskeiðið osfrv. Það er mikilvægt að kveða niður svona leiðinlegan misskilning á lögfræðináminu hér.

Opni dagurinn heppnaðist rosalega vel. Í Hriflu kynntu deildirnar sig og í portinu var hoppukastali fyrir börnin. Í Hátíðarsalnum voru vöfflur í boðinu. Sól skein í heiði og mikill fjöldi sá sér fært að renna í heimsókn. Rektor bauð fólk velkomið. Á svona dögum kann maður að meta það hversu persónlegur skólinn er. Það var sérstaklega skemmtilegt að kynna lögfræðideildina á svona góðum degi og ekki verra að renna niður nokkrum vöfflum while your at it!

Afstæðiskenningin

Sumir kennarar eru bara meira hot en aðrir!! Sérstaklega þeir sem að kunna að leggja saman 2+2 og eru ekki fæddir í gær.

Allnighter

Mér sýnist stefna í allnighter .... (andvarp)
and**** helv**** próf...
af hverju gerir maður sér þetta?

Munnlegt próf

Á ég að kalla þig Maj, Maj-Britt eða Maj-Britt Hjördís? Þetta var fyrsta spurningin í munnlega prófinu mínu í dag... vonandi að ég hafi svarað henni rétt

"Ég er frábær!!!"

og ég er mætt á bókasafnið.
Mér finnst þetta besta bókasafn í heimi því hér má tala og borða.
Það er snjór úti.